Kadrlarining malakasini oshirishni raqamlashtirish maqsadida yangi platforma ishlab chiqildi

Oliy ta’lim, fan va innovatsiyalar vazirligi tomonidan oliy ta’lim tizimi rahbar va pedagog kadrlarining malakasini oshirish jarayonlarini takomillashtirish va raqamlashtirish maqsadida yangi platforma ishlab chiqildi.

my.bimm.uz (https://my.bimm.uz/) – masofaviy malaka oshirish kurslari va elektron portfolio tizimlari negizida yaratilgan yagona raqamli ekotizim bo‘lib, hozirda sinov rejimida ishlamoqda.

Yangi platformada xafvsizlikni oshirish va imkoniyatlarni yanada kengaytirish maqsadida OneID (https://id.egov.uz/oz) — Yagona identifikatsiya tizimi hamda HEMIS (https://hemis.uz/) — Oliy ta’lim jarayonlarini boshqarish axborot tizimi bilan o‘zaro integrasiya qilindi.

Platformadan foydalanish bo‘yicha videoqo‘llanma (https://www.youtube.com/playlist?list=PLkaTeZNg9QNaYE_ipfpGq64LYMKVS6lPM)

Ushbu videoqo‘llanma orqali siz:
Platformaga qanday kirishni;
Shaxsiy kabinetdan foydalanish tartibini;
Elektron portfolioni yuritish imkoniyatlarini; bosqichma-bosqich o‘rganishingiz mumkin.