Kasbiy ta`limda xalqaro hamkorlik

Bekobod shahar politexnikumiga Xitoy Xalq Respublikasi shimoliy-sharqiy elektr energetikasi universiteti (NEEPU) vakillari – professor Li Xing Can hamda Zhang Xu janoblari boshchiligidagi delegatsiya tashrif buyurdi.

Tashrifdan asosiy maqsad – politexnikumning o‘quv jarayoni va moddiy-texnik bazasi bilan tanishish, hamkorlik istiqbollarini muhokama qilishdan iborat bo‘ldi.

Uchrashuv davomida quyidagi masalalar muhokama qilindi:
— Bekobod shahar politexnikumi xodimlarini NEEPU universitetiga stajirovkaga yuborish, shuningdek, xorijiy mutaxassislarni politexnikumga jalb etish;
— Bekobod shahar politexnikumi hamda NEEPU universiteti o‘rtasida o‘zaro hamkorlik to‘g‘risida memorandum imzolash;
— Elektr energetikasi va quyosh panellari yo‘nalishlari bo‘yicha malaka oshirish kurslarini tashkil etish hamda ishtirokchilarga NEEPU sertifikatlarini taqdim etish.

Uchrashuv yakunida tomonlar o‘zaro hamkorlikni yanada mustahkamlash borasida fikr almashdilar.