Mahalliy ish beruvchilar bilan hamkorlikda dual taʼlim va qisqa muddatli o‘quv kurslarini tashkil etish bo‘yicha Respublika seminari Oʻrta Chirchiq tumanida davom etdi

O‘zbekiston Respublikasi Prezidentining 2024-yil 16-oktabrdagi PF-158-son Farmoni ijrosini taʼminlash maqsadida Toshkent viloyatida mahalliy ish beruvchilar bilan hamkorlikda dual taʼlim va qisqa muddatli o‘quv kurslarini tashkil etish bo‘yicha Respublika seminari bo‘lib o‘tdi.

Seminarda Oliy taʼlim, fan va innovatsiyalar vazirligi mutasaddilari, hududiy boshqarma rahbarlari hamda kasbiy taʼlim muassasalari vakillari ishtirok etdi.

Seminar doirasida Oʻrta Chirchiq tumanidagi “Qorasuv Invest” mebel fabrikasida dual taʼlim asosidagi ishlab chiqarish jarayoni o‘rganildi. Seminarning ikkinchi qismida esa Angren shahrida 2-son politexnikum qoshida qurilish sohasiga oid qisqa muddatli kurslar faoliyati bilan tanishildi.